lunes, 20 de septiembre de 2021

Experiencia Pai Menni y García Hermanos Emilia

 

Despois de ter superados os módulos formativos do Obradoiro Sociosanitario, comezámo-las prácticas o día 10 de maio. Realízamos estas prácticas  nos centros Pai Menni e na Residencia García Hermanos, ambas situadas no concello de Betanzos.

            Eu comencei as miñas prácticas na Residencia García Hermanos, na planta segunda, onde actualmente hai 43 usuarias con distintos grados de dependencia. Tiven a gran sorte de contar co apoio da miña compañeira Begoña, o cal, xunto ó gran equipo de traballadoras do Centro, facilitou moito a miña adaptación ao ritmo de traballo. A primeira semana, sempre acompañada por traballadoras do centro, colaborei nas tarefas de aseo, alimentación, cambios de pañal  e traslados das usuarias. Aprendinme os nomes de tóda-las usuarias para poder dirixirme a elas e adapteime moi ben ó Centro. Pouco a pouco fun gañando soltura e xa nas seguintes semanas puiden ir facendo moitas tarefas sola, sempre supervisada polas traballadoras da institución. Creo que é fundamental conectar coas usuarias e coñecer as súas características persoales para que o resultado do traballo sexa satisfactorio para ambas partes.

            O día 11 de agosto tivemos os primeiros casos positivos de Covid 19 na planta. Foron días de moita tensión e moito caos para tod@s. Púxose en marcha o protocolo de actuación previsto para estos casos e Begoña e máis eu decidimos traballar como voluntarias dada esta situación de emerxencia, facendo uso dunha semana das nosas vacacións.

            A maior recompensa que se pode ter, é ver que as usuarias están contentas, que te coñecen e que confían en tí. Foi unha gran experiencia tanto laboral, persoal, coma de traballo en equipo e a maior satisfacción é que nos sentimos parte dese gran equipo de traballo da segunda planta.


Polos que fan do "traballo sucio" a labor máis fermosa do mundo!


No hay comentarios:

Publicar un comentario